MBATIA AZIDI KUIBANA SERIKALI,AMSHANGAA KAWAMBWA KUTOJIUZULU.

SIKU moja baada ya serikali kufuta matokeo ya mtihani wa kidato cha nne na kuamuru yaandaliwe upya, Mwenyekiti wa Chama cha NCCR-Mageuzi, James Mbatia, ameshangaa kuona Waziri Kawambwa hajiuzulu na ametaka wazazi wa wanafunzi waliojinyonga kwa matokeo hayo walipwe fidia.

Wakati akitaka wanafunzi hao walipwe fidia, pia Mbatia alimshangaa Waziri wa Elimu na Mafunzo ya Ufundi, Dk. Shukuru Kawambwa, akihoji anasubiri nini kung’atuka wakati kuna wanafunzi wamepoteza maisha kwa uzembe wao.

Alisema Kawambwa anapaswa kujiuzulu kwani Katibu Mkuu wa Baraza la Mitihani nchini, Joyce Ndalichako, hawezi kufanya mabadiliko makubwa ya aina hiyo bila kuishirikisha wizara.

Akizungumza na waandishi wa habari jana mjini hapa, Mbatia ambaye pia ni Mbunge wa kuteuliwa alisema serikali imekuja na majibu rahisi kwenye jambo gumu, kwani uamuzi wa kufuta na kuandaa upya matokeo hayo kwa utaratibu wa mwaka 2011, hauleti ufumbuzi wa mfumo wa elimu.

“Tume imekuja na majibu mepesi sana kwenye tatizo kubwa. Wanafunzi wamejiua kwa msongo wa mawazo, wengine wamekata tamaa na kuamua kuolewa, wengine kupata ujauzito, leo kwa uzembe wao wanataka kuwafaulisha wanafunzi ili kupata sifa kisiasa, haiwezekani,” alisema.

Akichambua maoni ya tume hiyo, alisema imeibua hoja ambazo yeye aliziwasilisha bungeni kupitia hoja yake binafsi ambayo ilizimwa na wabunge wa CCM kwa sababu za kulinda masilahi ya chama chao.

Alilishambulia Bunge kuwa limekuwa chanzo cha matatizo mengi kutokana na ubinafsi wa vyama bila kujali masilahi ya taifa.

“Bunge linaangamiza taifa kwa sababu ya itikadi. Hizi itikadi za vyama zinaliangamiza taifa. Kuna umimi, ubinafsi kwenye mambo ya masilahi ya taifa. Nawataka wabunge watoke usingizini,” alisema Mbatia.

Juzi serikali ilitangaza kufuta matokeo ya kidato cha nne ya mwaka 2012 na kuagiza yaandaliwe upya.

Uamuzi huo mgumu ulitangazwa bungeni na Waziri wa Nchi Ofisi ya Waziri Mkuu (Sera, Uratibu na Bunge), William Lukuvi.

Akisoma tamko hilo kwa niaba ya Waziri Mkuu, Mizengo Pinda, Lukuvi alisema uamuzi huo wa serikali umetokana na mapendekezo ya tume ya waziri mkuu iliyoundwa kuchunguza chanzo cha matokeo ya kidato cha nne mwaka jana kuporomoka kwa kiwango cha kutisha.

Matokeo ya mitihani ya kidato cha nne mwaka 2012 yalionesha kuwa kiwango cha ufaulu kimeshuka kwa kiwango kikubwa ikilinganishwa na miaka ya hivi karibuni.

Matokeo yaliyotangazwa hivi karibuni, yalionesha kwamba kati ya wanafunzi 367,756 waliofanya mtihani huo, watahiniwa 126,847 ndio waliofaulu.

Katika idadi hii, wanafunzi waliofaulu katika daraja la kwanza hadi la tatu ni 23,520, sawa na asilimia 6.4 na daraja la nne ni 103,327, sawa na asilimia 28.1.

Watahiniwa 240,909, sawa na asilimia 65.5 ya wanafunzi wote, waliofanya mtihani wa kidato cha nne mwaka 2012, walipata daraja sifuri.

Kuendela,bofya Read More

HOTUBA YA MSEMAJI MKUU WA KAMBI RASMI YA UPINZANI BUNGENI TUNDU LISSU, WIZARA YA KATIBA NA SHERIA.

Mh.Tundu Lissu.

MAONI YA MSEMAJI MKUU WA KAMBI RASMI YA UPINZANI BUNGENI, WIZARA YA KATIBA NA SHERIA,

MHESHIMIWA TUNDU A.M. LISSU (MB.)

KUHUSU

MPANGO NA MAKADIRIO YA MAPATO NA MATUMIZI YA FEDHA YA WIZARA YA KATIBA NA SHERIA KWA MWAKA 2013/2014

(Kanuni ya 99(9) ya Kanuni za Kudumu za Bunge, 2013)

UTANGULIZI

Mheshimiwa Spika,

Ofisi ya Waziri wa Katiba na Sheria imeanzishwa kwa mujibu wa kipengele cha 12 cha Nyongeza ya Waraka wa Rais uliochapishwa kama Tangazo la Serikali Na. 494 la tarehe 17 Desemba 2010. Majukumu ya Ofisi hii yameainishwa katika Tangazo la Ukasimishaji wa Majukumu ya Kiuwaziri la mwaka 2010 (The Ministers [Assignment of Ministerial Functions] Notice, 2010) lililochapishwa katika Gazeti la Serikali kama Tangazo la Serikali Na. 494A la tarehe 17 Desemba 2010. Kwa mujibu wa Nyongeza ya Pili ya Tangazo hilo, pamoja na mengine, Ofisi ya Waziri wa Katiba na Sheria imekasimiwa majukumu ya masuala ya kikatiba, uendeshaji na utoaji wa haki, uendeshaji mashtaka na  haki za binadamu. Kwa sababu ya matukio ya hivi karibuni yanayohusu utendaji wa Tume ya Mabadiliko ya Katiba katika mchakato wa Katiba Mpya na kwa kuzingatia umuhimu wake katika mustakbala wa taifa letu, tunaomba kuanza na masuala yanayoihusu Tume na uendeshaji wake wa mchakato huo.

TUME YA MABADILIKO YA KATIBA NA MCHAKATO WA KATIBA MPYA

Mheshimiwa Spika,

Katika mwaka wa fedha 2012/2013, Tume ya Mabadiliko ya Katiba iliidhinishiwa jumla ya shilingi bilioni 33.944 kwa ajili ya utekelezaji wa majukumu yake kwa mujibu wa Sheria ya Mabadiliko ya Katiba, Sura ya 83 ya Sheria za Tanzania. Kwa mujibu wa Maelezo ya Makadirio ya Matumizi Mengineyo kwa Mwaka wa Fedha 2013/2014 yaliyoletwa mbele ya Kamati ya Katiba, Sheria na Utawala mwezi uliopita, hadi kufikia tarehe 25 Februari, 2013 Tume ilishapokea shilingi bilioni 18.473 kutoka Hazina na ilikwishatumia shilingi bilioni 14.968, sawa na 81% ya fedha zilizopokelewa. Kwa mujibu wa Maelezo hayo, shilingi bilioni 3.504 ambazo hazijatumika zimetengwa kwa ajili ya kulipia madeni kutokana na huduma za uchapishaji wa Mwongozo wa Mabaraza ya Katiba, uratibu wa mchakato wa kupatikana Wajumbe wa Mabaraza ya Katiba na gharama nyingine za uendeshaji wa Ofisi.

Maelezo ya Tume yanaonyesha kwamba shillingi bilioni 15.471 ambazo hazijatolewa na Hazina zitatumika kwa ajili ya kusambaza nakala milioni moja za Rasimu ya Katiba Mpya (shilingi bilioni 3.848); elimu kwa umma juu ya Rasimu ya Katiba Mpya (shilingi milioni 400); kuratibu na kuendesha Mabaraza ya Katiba kwa nchi nzima (shilingi bilioni 4.734); na shilingi bilioni 6.488 kwa ajili ya matumizi mengine pamoja na ‘stahili za Wajumbe na Sekretarieti.’

Mheshimiwa Spika,

Katika Maoni yetu ya mwaka jana, Kambi Rasmi ya Upinzani Bungeni ililalamikia kile ilichokiita “... matumizi yasiyoelezeka na yasiyokubalika ya fedha za umma hasa hasa katika mazingira ambayo wananchi wanahubiriwa na watawala kwamba miradi ya maendeleo yao ya kiuchumi na kijamii haitekelezeki kwa sababu ya ufinyu wa bajeti ya Serikali.” Aidha, Kambi Rasmi ya Upinzani Bungeni ilidai kwamba shilingi bilioni 14.633 zilizotengwa kwa ajili ya kuwalipa wajumbe na watendaji wa Tume posho mbali mbali zilikuwa zinatishia kuigeuza “heshima ya kutumikia waliyopewa wajumbe wa Tume kuwa hongo ya Serikali.” Madai ya Kambi Rasmi ya Upinzani Bungeni kuitaka Serikali ieleze Bunge hili tukufu gharama zote za kila Mjumbe wa Tume, Sekretarieti na watumishi wengine wote wa Tume “ili Wabunge na wananchi wa Tanzania wafahamu kodi wanazolipa zinavyotumika katika mchakato wa Katiba Mpya” yalikataliwa na Serikali kwa hoja kwamba taarifa hizo ‘ni siri kati ya mwajiri na mwajiriwa.’

Mheshimiwa Spika,

Kuendelea Bonyeza Read More

MAAGIZO YA FIFA KWA TFF KUHUSU UCHAGUZI MKUU.

Shirikisho la Kimataifa la Mpira wa Miguu (FIFA) limelitaka Shirikisho la Mpira wa Miguu Tanzania (TFF) kuanza upya mchakato wa uchaguzi baada ya kubaini kasoro iliyotokana na ukosefu wa kutokuwepo vyombo vya kushughulikia ukiukwaji wa maadili.

FIFA ambayo ilituma ujumbe wake katikati ya mwezi uliopita kufanya utafiti kuhusu mchakato wa Uchaguzi Mkuu wa TFF ambao ulisimamishwa baada ya baadhi ya wagombea kulalamika, imetaka uchaguzi ufanyike kabla ya tarehe 30 Oktoba 2013, lakini ukitanguliwa na mabadiliko ya katiba ambayo yatahusisha uundwaji wa vyombo vya kushughulikia ukiukwaji wa maadili.

Raiswa TFF, Leodegar Tenga aliwaambia waandishi wa habari kwenye ukumbi wa mikutano wa shirikisho hilo kuwa suala la Tanzania lilijadiliwa kwenye kikao cha Kamati ya Dharura ya FIFA kilichofanyika tarehe 28 Aprili 2013 na maamuzi yake kutumwa juzi kwa barua iliyosainiwa na KatibuMkuuwa FIFA, Jerome Valcke.

SCHOLARSHIPS TENABLE IN THE RUSSIAN FEDERATION 2013/2014

Applications are invited from qualified Tanzanians for Undergraduate and Doctorate degree scholarships tenable in The Russian Federation for the year 2013/2014. The medium of instruction is Russia

1.     FIELDS OF STUDY

     UNDERGRADUATES

Course duration is 4 years

• 131000 – Oil and Gas Engineering
• 111500 – Industrial Fishing
• 280100 – Environmental Engineering and Water Consumption

     DOCTORATE

     Course duration is 3-4 years

• 14.01.01 – OBSTETRICS AND GYNECOLOGY

To continue,click Read more.

DIAMOND KUWASHA MOTO USIKU WA LEO 93 TOMLINSON AVENUE,LUTON L4 OQL UK.

Msanii wa muziki wa kizazi kipya Diamond usiku wa leo atawasha moto katika ukumbi wa 93 Tomlinson Avenue,Luton L4 OQL.
Na katika kuhamasisha mashabiki wake,Diamond ameandika maneno yafuatayo katika ukurasa wake wa mtandao wa kijamii:-
"Hello my dear Fans wa UK.....Baada ya kufanya uharibifu mkubwa pale jijini london sasa wakazi wa Luton.....Naongelea Ballerz & Divaz wakali wote Tujisogeze hapa tena.....Ts Gona be craiiziee ryt Here nikiwa na silaha zanu mbili hatari.....Kushoto Dumi Utamu vanilla pembeni Mose Iyobo.....Basi patakuwa hapatoshi pale kati.....Mahana ntaakikisha Namaliza Mawazo yangu yote pale pale kisha......Nilewe na watu wangu wa Nguvu Sana......Kisha Hiyo Siku ntamchagua Diva Mmoja wa Nguvu kumpeleka kwa Mama Naseeb....!!
Itakuwa Pale sehemu yenye mandhari mazuri na yenye utulivu 93 Tomlinson Avenue,Luton L4 OQL Kwa Entrance ya £20 getini na £15 kabla....ticket ni chache...!! Nyama Choma na vyakula vingine vitapatikana vyote......! Tukutane pale Tujue  Nani atalewa kati yangu na Nyie mtakaofika na Ladies N Gents Tuje tuone nani atapelekwa kwa Mama Diamond.....!! Usikoseeeee....!!!"

MBOWE:MAJANGILI WANASAGA MENO YA TEMBO HAPA NCHINI.

 

Mh.Freeman Mbowe.

Mjadala wa Bajeti ya Wizara ya Maliasili na Utalii ilizidi kulitikisa Bunge baada ya jana Kiongozi wa Kambi ya Upinzani Bungeni, Freeman Mbowe kusema kwamba kuna kwa viwanda vinavyosaga meno ya tembo kabla ya kuyasafirisha nje.
Akichangia hotuba ya wizara hiyo, Mbowe alisema majangili wamekuja na mbinu hiyo mpya kwa lengo la kukwepa kunaswa na vyombo vya dola.
Alisema hivi sasa meno hayo hayasafirishwi kwa meli kama zamani na badala yake kuna viwanda nchini ambavyo huyasaga meno hayo na kisha kusafirishwa kama unga kupitia viwanja vya ndege.
“Watu hawa wamekuwa wajanja, wameona kupitisha meno kama unga ni rahisi kwani hakuna mashine za kung’amua unga huo,” alisema Mbowe.
Mbowe alisema Serikali inapaswa kuwa na mikakati ya kukabiliana na biashara hiyo ambayo inaweza kuwamaliza tembo wa Tanzania.
Mbowe alisema kwa sasa kilo moja ya meno ya ndovu inauzwa mpaka Dola 5,000 (Sh7.9 milioni), jambo linalofanya majangili kubuni njia mbalimbali za kufanikisha njama zao.
Alishauri kuwa Serikali inapaswa kuchukua hatua kali dhidi majangili ikiwamo ya kuwanyonga wanapopatikana na hatia.
“Tatizo wahusika wakubwa wa biashara hii ni watu wenye uhusiano mkubwa na viongozi wa Serikali lakini dawa yao ni kunyonga tu,” alisema.
Kauli hiyo ya Mbowe imekuja siku chache baada ya Msemaji wa Kambi ya Upinzani katika Wizara ya Maliasili, ambaye pia ni Mbunge wa Iringa Mjini (Chadema), Peter Msigwa kutoa tuhuma nzito kwa Katibu Mkuu wa CCM, Abdulrahman Kinana kwamba anahusika na biashara ya meno hayo.
Jana, akichangia mjadala wa bajeti hiyo, Msigwa alimjia juu Waziri wa Mambo ya Ndani ya Nchi, Dk Emmanuel Nchimbi kwa kitendo chake cha kumtetea Kinana badala ya kumtaka kumpa ushahidi wa tuhuma alizotoa.
“Nilitarajia Nchimbi angenitaka nimpelekee ushahidi badala yake, anamkingia kifua mtuhumiwa, lakini sishangazwi na maelezo yake kwa sababu aliweza kuitwa Dokta kabla hajapata shahada,” alisema.
Alisema badala ya wapinzani kuitwa wahuni, wabunge wa CCM walitakiwa kufanya kazi pamoja kuhakikisha wanalinda masilahi ya nchi.
Hata hivyo, akichangia hoja hiyo, Naibu Waziri wa Ardhi, Nyumba na Maendeleo ya Makazi, Goodluck Ole Medeye alimtetea Kinana na kuiomba Ofisi ya Bunge kuielekeza wizara inayohusika na usafirishaji kutoa semina kwa wabunge wa upinzani akisema wengi hawajui taratibu za kusafirisha mizigo.
“Sikufurahishwa kabisa na kauli ya Mchungaji Msigwa kwa kuwataja viongozi kuhusika na biashara ya meno ya tembo licha ya ukweli kuwa kuna mfumo wa mambo ya usafirishaji,” alisema Medeye.

Source:CHADEMA social media.

KIPANYA NA BONGO LAND.

Na hili ndilo tatizo kubwa kwa Taifa letu.Tusipozinduka tutajikuta tunalala milele.

NAFASI ZA KAZI ZILIZO WAZI KILA MKOA NA HALMASHAURI KADA YA AFYA.

Kujua nafasi zilizo wazi kwa kila Mkoa au Halmashauri/Wilaya idara ya Afya, bofya link hii.
http://moh.go.tz/KIBALI%20CHA%20AJIRA-KADA%20ZA%20AFYA0001.pdf

WASOMALIA 260,000 WAFA KWA BAA LA NJAA

Takribani raia wa Somalia 260,000, nusu yao ikiwa ni watoto, wamekufa kutokana na baa la njaa kuanzia mwaka wa 2010 hadi 2012. Hiyo ikiwa ni zaidi ya idadi ya awali kuhusu watu waliohofiwa kufa kwa wakati huo. Ripoti ya Umoja wa Mataifa imesema kuwa takribani watoto 133,000 waliokuwa na umri wa chini ya miaka mitano walikufa, huku maafisa wa Umoja  wa Mataifa wakikiri kuwa wangeweza kufanya mengi zaidi ili kujiandaa kwa baa hilo la njaa.

Ripoti hiyo ya pamoja kutoka Shirika la Umoja wa Mataifa la Chakula na Kilimo Ulimwenguni - FAO na Kitengo kinachofadhiliwa na Marekani kuhusu Baa la Njaa na Mifumo ya Tadhadhari za Mapema, ndiyo ya kwanza kabisa kutoa takwimu za utafiti wa kisayansi kuonesha idadi ya waliokufa kutokana na hali ukame wa kipindi kirefu na baa la njaa nchini Somalia.

Baa la Njaa lililiripotiwa mara ya kwanza Julai 2011 katika majimbo ya kusini mwa Somalia ya Bakool na Shabelle ya Chini, lakini baadaye likasambaa katika maeneo mengine, ikiwa ni pamoja na Shabelle ya Kati, Afgoye na ndani ya kambi za watu waliowachwa bila makaazi kutokana na vita vilivyoukumba mji mkuu Mogadishu.

SOURCE: DW.

WABUNGE WAPIGANA VENEZUELA,MBUNGE MMOJA AUMIZWA VIBAYA.

Vurumai  zilizuka  kati  ya  wabunge  wa  Venezuela siku  ya Jumanne  usiku  ambapo  zilisababisha  kiasi  mbunge  mmoja  wa upinzani  kuumizwa  vibaya  na  kutokwa  na  damu.
Wabunge  wa  serikali  walianza  kuvurumisha  ngumi  baada  ya wabunge  wa  muungano  wa  upinzani  kufungua  bango  bungeni wakipinga  marufuku  iliyowekwa  baada  ya  uchaguzi , ambayo imesababisha  kuvuliwa  kwa  uwezo   wa  ubunge  kwa  wengi  wa wabunge  wa  upinzani.
Upande  wa  upinzani  umesema  kuwa  kiasi  ya  wabunge  17 ambao ni  washirika  wao  na    wabunge  watano wanaounga mkono  serikali  wamejeruhiwa. Wabunge  wanaounga  mkono serikali  walijitokeza  katika  televisheni  wakiwashutumu  wabunge wa  upinzani  kwa  kuwashambulia.

Chanzo:DW