HIVI NDIVYO RAIS KIKWETE ALIVYOFUNGUA MKUTANO WA WAKE WA MARAIS.

Rais Jakaya Mrisho Kikwete akiwa na Rais Mstaafu wa Marekani Mhe. George W. Bush na Mkewe Laura na Mama Salma Kikwete wakati wa ufunguzi wa mkutano wa wake wa Marais wa Afrika Mashariki jana Julai 2, 2013 katika hoteli ya Serena jijini Dar es salaam.

Wageni wakimsikiliza Rais Jakaya Mrisho Kikwete akifungua mkutano wa wake wa Marais wa Afrika Mashariki jana Julai 2, 2013 katika hoteli ya Serena jijini Dar es salaam.

Rais Jakaya Mrisho Kikwete akifungua mkutano wa wake wa Marais wa Afrika Mashariki jana Julai 2, 2013 katika hoteli ya Serena jijini Dar es salaam.

WAMAREKANI WAANIKA MADUDU YA SERIKALI YA JK, NI YA MAUAJI, UPIGAJI WA RAIA.

ZIARA ya Rais wa Marekani, Barack Obama hapa nchini, ‘imeivua nguo’ Serikali ya Tanzania, baada ya vyombo vya habari vya kimataifa kutoa tuhuma nzito za vitendo vya kikatili vinavyodaiwa kufanywa na vyombo vya dola dhidi ya raia.

Hatua hiyo inayodaiwa kujaribu kufichwa kwa nguvu kubwa na baadhi ya watendaji wa serikali, imekuja kufuatia baadhi ya vyombo vya habari mashuhuri nchini Marekani, kuibua upya tuhuma za utekaji, upigaji na uuaji wa raia, waandishi wa habari na wanaharakati nchini Tanzania.

Moja ya chombo kilichoanika uovu huo, ni gazeti kongwe na mashuhuri linaloheshimika sio tu Marekani, bali na mataifa makubwa la New York Times, ambalo Julai 1, 2013, lilichapisha habari isemayo ‘Matukio ya udhalimu yaongezeka Tanzania, Kisiwa cha Amani Afrika’.

Habari hizo zilizoandikwa  na mwandishi maarufu wa habari za uchunguzi duniani, Nicholas Kulish zimeeleza tukio la kusikitisha la kutekwa nyara na kuumizwa vibaya kwa Mwenyekiti wa Jumuiya ya Madaktari nchini, Dk. Stephen Ulimboka, kama moja ya tukio baya ambalo linadaiwa kuwa na mkono wa serikali, ingawa Rais Jakaya Kikwete aliwahi kukanusha madai hayo.

Mwandishi huyo ameeleza namna Dk. Ulimboka alivyotekwa na kupakiwa kwa nguvu katika gari linaloaminika kuwa la moja ya vyombo vya usalama, kupigwa kwa kikatili kwa nyaya, kung’olewa kucha, na jinsi watesaji walivyoshauriana njia ya kumuua ikiwemo kumkanyaga na gari ama sindano ya sumu.

Mwandishi huyo, amemnukuu, Dk. Ulimboka akisema namna alivyowasikia watesaji wake, wakimwambia kuwa ‘atalipa yote aliyotenda’ na kumtaka asali na kumwomba Mungu wake, kwa sababu hataiona dunia tena.

Aidha, gazeti hilo limeieleza dunia kutekwa kwa waandishi wa habari na kuuawa  kikatili kwa mwandishi wa habari, Daud Mwangosi aliyeuawa na askari polisi akiwa kazini, katika Kijiji cha Nyororo, mkoani Iringa, mwaka jana.

Katika kuonesha uzito wa tuhuma hizo na namna wananchi wa Marekani wanavyotaka lishughulikiwe haraka, moja ya taasisi kubwa inayotetea waandishi wa habari duniani, yenye makazi yake jijini New York, ilimwomba Rais Obama kumkabili Rais Kikwete watakapokutana katika ziara yake iliyomalizika jana, juu ya matukio hayo na uhuru wa vyombo vya habari.

Kadhalika, gazeti hilo limeanika matukio mawili ya mashambulizi ya mabomu yaliyofanywa jijini Arusha kwenye Kanisa la Katoliki la Olositi na katika mkutano wa chama cha upinzani, (hawakukitaja) na kusababisha vifo vya watu saba.

Gazeti hilo pia limeeleza kwa kirefu namna shambulio la bomu la kurushwa kwa mkono lilivyotokea katika mkutano wa CHADEMA hivi karibuni huko jijini Arusha, na shutuma zilizotolewa na chama hicho dhidi ya Jeshi la Polisi kuhusika na kumtorosha aliyelipua bomu hilo.

Kadhalika, limenukuu msimamo wa CHADEMA wa kukataa kukabidhi kile kinachosemakana ‘mkanda mzima’ wa tukio hilo kwa polisi, hadi pale itakapoundwa tume huru kuchunguza tukio hilo.

Msimamo huu wa New York Times, wa kuichimbua Tanzania na kuyaanika maovu yake yote unaungwa mkono pia na magazeti mengi nchini Marekani, kama vile USA Today, ambalo nalo limechapisha habari zenye msimamo kama huo, likionesha wazi namna ziara ya Rais Obama ilivyotoa fursa ‘kumulikwa’ kikamilifu kwa matukio mabaya yaliyoikumba nchi.

Inadaiwa kwamba mara baada ya waandishi hawa wa Marekani kupata taarifa kutoka kwa Wizara ya Nje ya Marekani (State Department), juu ya ziara ya Obama hapa nchini, walianza kujipanga kufichua maovu  yanayotendwa na Serikali ya Kikwete.

Vyombo hivyo, vikafichua matukio mabaya yakiwemo uvunjwaji wa haki za kibinadamu, matukio ya matumizi ya nguvu kupita kiasi kwa upande wa polisi, kutokamilika kwa uchunguzi kwa matukio ya kihalifu na uhasama baina wa wafuasi wa chama tawala na wale wa upinzani,
Mbali na matukio hayo, vyombo hivyo, kinyume na vya hapa nchini ambavyo vimesifia ziara ya Obama, vimejikita kuibua uozo uliopo, likiwemo pia suala la kukithiri kwa uchafu katika Jiji la Dar es Salaam.

Chombo kingine kilichoandika mabaya ya Tanzania ni wavuti ya eTurbroNews ambayo inaandika kuhusu masuala ya utalii.

Watuti hiyo, Julai 1, 2013, iliibua habari za uchafu uliokithiri jijini Dar es Salaam, na kulitaja kuwa mojawapo ya majiji yanayosifika kwa uchafu likishika nafasi ya 12 duniani.

Habari hiyo imeushutumu uongozi wa jiji kwa kuamka dakika za majeruhi kufanya usafi na kujiuliza ilikuwaje wasubiri hadi ziara ya Obama kufanya kazi hiyo.

Aidha, habari hiyo imezungumzia kero ya kunguru weusi, na kushauri pengine ianzishwe kampeni ya watu kutoka nje kuja kuwawinda na kuwaangamiza kabisa, kama mchezo wa uwindaji, kwani sasa idadi ya kunguru hao waharibifu inazidi milioni moja.

 

Chanzo:CHADEMA Social Media.

BARACK OBAMA AKIONYESHA KIPAJI KATIKA MCHEZO WA SOKA AKIWA TANZANIA.

OBAMA akionyesha uwezo wa kumiliki mpira kwa kupiga kichwa bila kutua chini wakati alipotembelea mitambo ya kuvua umeme Ubungo jijini Dar es salaam muda mfupi kabla ya kuondoka nchini.

Rais Kikwete akimwangalia Obama wakati akipiga mpira danadana.

Hapa akipiga danadana huku akishuhudiwa na Rais wa Tanzania Jakaya Kikwete.

MFALME MSWATI WA SWAZILAND AONDOKA NCHINI BAADA YA KUFUNGUA MAONESHO YA SABA SABA..

Waziri Mkuu, Mizengo Pinda akiagana na mfalme Mswati wa Swaziland ambaye aliondoka nchini baada ya kufungua maonyesho ya Kimataifa ya Biashara kwenye uwanja wa Mwalimu Julius Nyerere jijini Dar es salaam Julai 1, 2013. (Picha na Ofisi ya Waziri Mkuu)

MFALME Mswati (III) wa Swaziland amewataka Watanzania kubadilika kwenda sambamba na Soko la Pamoja la Afrika Mashariki kwa kubuni bidhaa mbalimbali zenye ubora.

Alisema watanzania pia wanapaswa kuzipa kipaumbele bidhaa zinazozalishwa nchini kwa lengo la kushindana katika biashara duniani.

Mswati aliyasema hayo jana wakati akifungua Maonyesho ya 37 ya Kimataifa ya Biashara katika Viwanja vya Mwalimu Nyerere, barabara ya Kilwa, Dar es Salaam .

Alisema endapo wafanyabiashara wataibua bidhaa zenye ubora na kuziendeleza itasaidia nchi kukua katika uchumi pamoja na kunufaika na Soko la Pamoja la Afrika Mashariki (EAC).

Tanzania ni miongoni mwa nchi tajiri na endapo kama itazingatia bidhaa zinazozalishwa na wananchi wake uchumi wa nchi utakuwa kwa kasi na nchi itahesabika kama ni miongoni mwa nchi tajiri duniani.

“Maonyesho haya yanatoa fursa kwa watanzania kubuni na kujifunza mbinu mbalimbali za biashara kufanya ushindani wa biashara duniani,”alisema Mswati.

Pia alisema maonyesho hayo yanatoa fursa ya kuendeleza bidhaa zenye ubora wa hali ya juu ikiwa ni miongoni mwa agenda kuu ya mdahalo waliojadili viongozi mbalimbali wa ushirikiano wa biashara.

Alisema anaamini serikali ya Tanzania inatoa kipaumbele kwa bidhaa zinazozalishwa nchini zinazoingizwa katika soko la ndani kwa sababu kufanya hivyo kutasaidia kuinua uchumi wa nchi.

Mfalme Mswati alisema anaamini ushirikiano kati ya Tanzania na Swaziland utadumu ikiwa ni pamoja na kutangaza bidhaa za ndani na kuutangaza utamaduni wa nchi.

Mfalme Mswati wa Swaziland akisindikizwa na Waziri Mkuu, Mizengo Pinda wakati alipoondoka kwenye uwanja wa ndege wa Mwalimu Julius Nyerere jijini Dar es salaam kurejea nyumbani baada ya kufungua maonyesho ya Biashara ya Kimataifa kwenye uwanja wa Mwalimu Julius Nyerere Julai 1,2013.

MAHAKAMA YA SINGIDA YATUPILIA MBALI KESI YA VIONGOZI WA CHADEMA.

Mahakama ya Hakimu Mkazi Mjini Singida leo imetupilia mbali kesi iliyokuwa inanawakabali viongozi wawili wa CHADEMA Ndugu Mwita Waitara ambaye ni afisa sera na utafiti makao makuu na mshauri wa chama hicho Dk Kitila Mkumbo. Katika hukumu yake aliyeiosoma mbele ya wakili wa washtakiwa hao Tundu Lissu Hakimu wa Mahakama hiyo Masham alisema kuwa washatakiwa hawana kesi ya kujibu kwa kuwa mashahidi wa serikali walishindwa kuthibitisha aina ya matusi yaliyodaiwa kutolewa na washtakiwa. Aidha, hakimu huyo alisema kwamba upande wa serikali walishindwa kumleta shahidi muhimu katika kesi hiyo Mwigulu Nchemba aliyedaiwa kutukanwa ili athibitishe kwamba yeye ndiye aliyetukanwa na namna ambavyo matusi hayo yamemuathiri. Kushindwa kwa Mwigulu Nchemba kufika mahakamani ni kuonyesha kwamba ama hajui kwamba alitukanwa au hakuona kosa lolote alilotendewa na mahakama haiwezi kutoa uamuzi kwa mambo ya kuhisiwa, alisema hakimu huyo. 

Washtakiwa walidaiwa kutenda kosa hilo tarehe 14 Julai mwaka jana katika mkutano wa hadhara uliofanyika katika Kijiji cha Ndago wilayani Iramba ambapo Chama cha Demokrasia na Maendeleo kilikuwa na mkutano wa hadhara. Kesi hiyo imekuwa ikisuasua mara nyingi kwa upande wa serikali kushindwa kuleta mashahidi mahakamani na kusababisha kesi hiyo kuahirishwa mara kwa mara, jambo ambalo lilikuwa likimkera hakimu wa kesi hiyo.

Chanzo:CHADEMA Social Media.

CANDINDATES SELECTED FOR REMEDIAL COURSE- THIRD SELECTION SAUT.

candidate selected Remedial course-Third Selection- SAUT.

JOINING INSTRUCTIONS FOR PRE ENTRY STUDENTS SELECTED TO JOIN SAUT MAIN CAMPUS MWANZA FOR THE 2013/2014.

Joining Instructions Pre Entry 2013 2014

MATUKIO KAMILI YA SIKU YA KWANZA YA ZIARA YA OBAMA TANZANIA.

Rais Barack Obama wa nchini Marekani na Mkewe Michelle Obama wakiwa sambamba
na watoto zao,wakiwasili chana huu kwenye uwanja wa ndege wa Kimataifa
wa Mwalimu Nyerere,jijini Dar es Salaam mchana huu kwa ziara ya siku
mbili hapa nchini.

Rais Dkt.Jakaya Mrisho Kikwete akimkaribisha Rais Barrack Obama wa Marekani
muda mfupi baada ya kuwasili katika Uwanja wa ndege wa Mwalimu Julius
Nyerere jijini Dar es Salaam mchana wa leo. Kulia ni Mke wa Rais Mama
Salma Kikwete.

Rais Dkt.Jakaya Kikwete akiwa na mgeni wake Rais Barrack Obama wa Marekani
muda mfupi baada ya kuwasili katika uwanja wa ndege wa Kimataifa wa
Mwalimu Julius Nyerere jijini Dar es Salaam leo mchana.nyuma ya Rais na
mgeni wake ni Mke wa Rais Mama Salma Kikwete na mke wa Rais wa Marekani
Mama Michelle Obama.

Rais Barrack Obama akikagua gwaride la heshima lililoandaliwa na jeshi la Wananchi wa Tanzania(JWTZ).

Rais Dkt.Jakaya Mrisho Kikwete akimtambulisha kwa Rais Barrack Obama wa
Marekani Rais wa Zanzibar Dr.Ali Mohamed Shein muda mfupi baada ya
kuwasili katika Uwanja wa Ndege wa kimataifa wa Mwalimu Nyerere jijini
Dar es Salaam leo mchana.Huku Mke wa Rais Mama Salma Kikwete na Mke wa
Rais wa Marekani Michelle Obama Wakiangalia.

Rais Dkt.Jakaya Mrisho Kikwete akimtambulisha kwa Rais Barrack Obama wa
Marekani makamu wa Rais wa Zanzibar Balozi Seif Iddi muda mfupi baada ya
Rais huyo wa Marekani kuwasili nchini kwa Ziara ya kikazi ya siku
mbili.

Rais Dkt.Jakaya Mrisho Kikwete akimtambulisha kwa Rais Barrack Obama wa
Marekani makamu wa Rais wa Zanzibar Balozi Seif Iddi muda mfupi baada ya
Rais huyo wa Marekani kuwasili nchini kwa Ziara ya kikazi ya siku
mbili.

Mkuu wa Majeshi ya Ulinzi na Usalama Jenerali Davis Mwamunyange akisalimiana
na Rais Barrack Obama katika uwanja wa ndege wa Mwalimu Nyerere jijini
Dar es Salaam jana.

Rais Dkt.Jakaya Mrisho Kikwete na mkewe Mama Salma Kikwete wakiwaongoza wageni wao Rais Barrack Obama wa Marekani na mkewe Michelle kuangalia ngoma mbalimbali
za utamaduni muda mfupi baada ya kuwasili katika uwanja wa Ndege wa
Kimataifa wa Mwalimu Nyerere kwa ziara ya siku mbili nchini.

Rais Dkt.Jakaya Mrisho Kikwete na mkewe Mama Salma Kikwete wakiwaongoza wageni wao Rais Barrack Obama wa Marekani na mkewe Michelle kuangalia ngoma mbalimbali
za utamaduni muda mfupi baada ya kuwasili katika uwanja wa Ndege wa
Kimataifa wa Mwalimu Nyerere kwa ziara ya siku mbili nchini.

Rais Dkt.Jakaya Mrisho Kikwete na mgeni wake Rais Barrack Obama wa Marekani
wakifurahia na kufuata mapigo ya ngoma za utamaduni katika uwanja wa
Ndege wa Mwalimu jijini Dar es Salaam jana mchana wakati wa mapokezi ya
kiongozi huyo wa Marekani na ujumbe wake.

Rais Dkt.Jakaya Mrisho kikwete akiwatambulisha baadhi ya viongozi waandamizi
wa serikali kwa Rais Barrack Obama na mkewe katika uwanja wa ndege wa
Kimataifa wa Mwalimu Nyerere jijini Dar es Salaam jana.Picha na Freddy
Maro,Ikulu.

Rais Barack Obama wa Marekani na mkewe Michelle Obama wakipokewa kwa Shangwe Ikulu,Jijini Dar es salaam mchana wa jana

Rais Barack Obama wa Marekani na mwenyeji wake Rais Jakaya Mrisho Kikwete wakipokewa kwa Shangwe Ikulu,Jijini Dar es salaam jana.

Rais Jakaya Mrisho Kikwete akiongozana na mgeni wake,Rais Barack Obama wa Marekani wakati walipokuwa wakielekea sehemu iliyoandaliwa kwa ajili ya kukutana na kuzungumza na Waandishi wa habari Ikulu,Jijini Dar es salaam jana.

Obama akipanda mti Ikulu ya Tanzania jana.

JOB ADVERTISEMENT TFDA - JUNE 30,2013

job advertisement TFDA.doc

Rais wa zamani wa Chad akamatwa Senegal.

Polisi nchini Senegal , wamemkamata rais wa zamani wa Chad, Hissene Habre, aliyekuwa anatafutwa kwa madai ya ukiukwaji wa haki za binadamu wakati wa utawala wake wa miaka 8.

Wakili wa Bwana Habre, El Hadji Diouf, alisema kuwa alikamatwa na polisi kutoka nyumbani kwake mjini Dakar na kupelekwa sehemu isiyojulikana.
Habre mwenye umri wa miaka 70, amekuwa akitumikia kifungo cha nyumbani, nchini Senegal tangu mwaka 2005 alikokimbilia baada ya kung'olewa mamlakani mwaka 1990.
Aanatuhumiwa kuwatesa maelfu ya watu, wanaominika kuwa wapinzani wake.
Mwaka jana mahakama ya kimataifa ya haki, iliamuru Seengal kumchukuliwa hatua za kisheria au kupeleka kwingineko ambako atakabiliwa na sheria kwa uhalifu aliotenda.
Kukamatwa kwake kunakuja siku kadhaa baada ya rais wa Marekani, Barack Obama kumsifu rais Macky Sall kwa hatua zake za kuelekea katika kumfungulia mashtaka Habre mwanzoni mwa ziara yake ya Afrika.
Mashirika ya kutetea haki za binadamu, yamekuwa yakishinikiza Senegal kwa miaka mingi, kumfungulia mashtaka Habre.
Tuhuma anazokabiliwa nazo ni za tangu mwaka 1982, wakati alipoingia mamlakani hadi mwaka 1990 alipoondolewa uongozini kwa njia ya mageuzi .
Habre alishtakiwa kwa mara ya kwanza nchini Senegal mwaka 2000, lakini mahakama za nchi hiyo ikaamua kuwa wakati huo isingeweza kushtakiwa huko.
Waathiriwa wa utawala wake baadaye waliwasilisha malalamishi chini ya sheria ya kimataifa ya Ubelgiji ambayo inaruhusu majaji wake kusikiliza na kuhukumu washukiwa wa kesi za ukiukwaji wa haki za binadamu kokote duniani.
Hata hivyo Senegal imekataa ombi la Ubelgiji kumhamisha nchini humo ili ahukumiwe.

Chanzo:BBC