WIZARA YA AFYA KUTOA AJIRA 1,600

Waziri wa Nchi, Ofisi ya Rais, Menejimenti ya Utumishi wa Umma, Mh.Celina Kombani

 Jumla ya watumishi 1,600 wa kada ya afya, wanatarajia kuajiriwa katika kipindi cha mwaka wa fedha 2013/14 na 2014/15, bunge lilielezwa jana.

Ahadi hiyo ilitolewa na Waziri wa Nchi, Ofisi ya Rais, Menejimenti ya Utumishi wa Umma, Celina Kombani kuwa ajira hizo zinalenga kupunguza tatizo sugu la watumishi wa kada hiyo ambao wamekuwa wakilalamikiwa.

Akijibu swali la nyongeza jana lililoulizwa na Mbunge wa Lupa, Victor Mwambalaswa (CCM), Kombani alisema kuwa katika kipindi cha mwaka huu Serikali inatarajia kutoa ajira kwa waganga 5,000.

“Mwaka huu pekee tunaanza na waganga 5,000 ambao tayari tumeshapewa kibali cha kuajiri na kipaumbele kikubwa kitaelekezwa katika zahanaiti za vijijni lakini mwaka tutaajiri waganga 11,000, wengi wao kwenda vijijini badala ya kuwalundika mijini,” alisisitiza Kombani.

Awali, katika swali la msingi, Mendrad Kigola (Mufindi Kusini-CCM) alitaka kujua ni lini Serikali itamaliza ujenzi wa vituo vya afya ambavyo wananchi wamejitolea na kufikia hatua nzuri pamoja na kupelekea waganga.

Naibu Waziri Ofisi ya Waziri Mkuu, Tawala za Mikoa na Serikali za Mitaa, Aggrey Mwanri alijibu swali hilo akisema kuwa miradi mingi ya ujenzi wa vituo vya afya na zahanati kwa sehemu kubwa huibuliwa na wananchi, hivyo gharama za utekelezaji wa miradi hiyo hutoka kwa wananchi pia.

Mwanri alisema ujenzi wa vituo vya afya vya Mtwango, Mninga, Mgololo na Bumilayinga katika Jimbo la Mufindi, ni miradi ambayo iliibuliwa na wananchi wenyewe na kuwa inatekelezwa na wananchi wenyewe.

Hata hivyo, alisema kuwa Serikali itawaunga mkono wananchi hao kupitia Halmashauri ya Wilaya ya Mufindi kwa kadri fedha zinatakavyopatikana.

Hakuna shaka kwamba mpango kama huo utasaidia kupunguza tatizo la ajira ambalo linaonekana kusumbua Watanzania wengi.

Hali kadhalika kuajiriwa kwa watu hao wapatao 16,000 kutasaidia kuimarisha sekta hii muhimu ambayo inaonekana kuendelea kusuasua nchini hasa maeneo ya vijijini.

Chanzo,Mwananchi.

MH.MNYIKA AMLIPUA WAZIRI MKUU KUWA AMESEMA UONGO BUNGENI.

Mbunge wa Ubungo Mh.John Mnyika.

Wakati wa kufanya majumuisho na kutoa hoja,Waziri Mkuu alikuwa akijibu hoja mbali mbali zilizokuwa zimetolewa na Wabunge.

Wakati amemaliza kutoa hoja, Mbunge wa Ubungo CHADEMA Mh.John Mnyika aliomba mwongozo wa spika na aliporuhusiwa akaomba mwongozo kuwa Mh.Waziri Mkuu ametoa taarifa za uongo Kwanza alisema kuwa Waziri Mkuu ameliambia bunge kuwa Sheria ya kuunda mabaraza ya katiba katika ngazi ya kata ilipitishwa na bunge wakati sio kweli na pili kuwa Waziri mMkuu amesema kuwa CHADEMA hakikupeleka maoni yao ya uundwaji wa katiba mpya jambo alilolisema kuwa sio kweli na ukweli nikwamba maoni yalipelekwa na yeye mwenye wakati huo akiwa anakaimu nafasi ya Naibu katibu Mkuu.

Katika kutoa majibu,Mh.Spika alisema majibu yatatolewa kesho na kuwa muda huo hakuwa na majibu.

ANNOUNCEMENT FOR MASTERS COURSE AT JUCO

Jordan University College
A Constituent College of St. Augustine University of Tanzania
 
Master of Education
From October 2013 Jordan University College will offer the Master of Education in the
following specializations:
• Curriculum and Instruction
• Educational Assessment and Evaluation
• Educational Planning and Administration
 
Fees
• Academic & Administrative Fees
(including Registration, Tuition, Library & Examination)
3,600,000
• Thesis Supervision 200,000
Total 3,800,000
• Medical Fee per Academic Year
(payable two times during Masters’ programme)
2 x 100,000
Grand Total (including Medical Fee) 4,000,000

NB: Those who have valid health insurance maybe opt to use the services provided by their health
insurance plan. For all others the medical fee is compulsory!
Fees are payable as follows:
Without
Medical Fee
With Medical
Fee
1st instalment at the beginning of the 1st semester of the 1st academic year
• 1/3 of Academic & Administrative Fees 1,200,000 1,200,000
• Medical Fee per Academic Year 100,000
Total 1st instalment 1,200,000 1,300,000
2nd instalment at the beginning of the 2nd semester of the 1st academic year
• 1/3 of Academic & Administrative Fees 1,200,000 1,200,000
Total 2nd instalment 1,200,000 1,200,000
3rd instalment at the beginning of the 1st semester of the 2nd academic year
• 1/3 of Academic & Administrative Fees 1,200,000 1,200,000
• Thesis Supervision 200,000 200,000
• Medical Fee per Academic Year 100,000
Total 3rd instalment 1,400,000 1,500,000
Pay your fees to:
Jordan University College, A/C No 015 027 752 7900 CRDB, Mandela Branch, Morogoro
Submit original copy of bank deposit slip indicating clearly your name, course and year of study!

For more information,
please contact our Admission Office 0717781455 jordanunivcollege@yahoo.com
and check our webpage morogoro.sds.org & morogoro.sds.org/GInf_admition.html
P.O. Box 1878, Morogoro, Tanzania.
Direct Student’s Cost for Master of Education
For living expenses and other costs like for books, stationeries, and so on, the following
information should be helpful to the students and their sponsors in reaching agreeable
direct student costs (which are payable DIRECTLY to the student and NOT to the
University)
1. An academic year has two semesters, each lasting for 120 days.
2. Accommodation costs are ranging from Tshs 350,000 to Tsh 450,000 for those who
will manage to get chance of accommodation on the college campus and in the
hostels near by the college.
3. Food prise is estimated at Tshs 10,000 – 15,000 per day.
4. Books expenditure is ranging from Tshs 200,000 to 300,000, depending on
sponsor’s financial ability.
5. For research and dissertation costs, students should come up with a breakdown of
what is needed to the accomplishment of research and dissertation and negotiate
with their sponsors on the amount of money they need.
 
Minimum Entry Requirements for Master of Education
An applicant must satisfy any of the following requirements:
• Holder of a Bachelor Degree in Education and other similar programmes offered like
BEd Maths, Science, Arts, Adult Education, Early Childhood Education, Psychology,
etc. with at least Upper Second Class Honours.
• Holder of a Bachelor Degree in Arts or Science teaching subject with at least Upper
Second Class Honours plus a Postgraduate Diploma in Education.
• Holder of a Bachelor Degree in Education with at least Lower Second Class
Honours plus teaching experience of minimum two years.
• Any equivalent qualification from a recognized university.

JOB VACANCY MZUMBE UNIVERSITY

VACANCY ANNOUNCEMENT
Mzumbe University is collaborating with Belgian Flemish Interuniversity
Council - University Development Cooperation (VLIR – UOS) to implement a
six year programme of “Governance and Entrepreneurship Through
Research Education, Access and Technology for Tanzania (GRE@T)”. The
programme focuses on building capacity in teaching, research, and outreach
services cum community engagement. Good governance and
entrepreneurship are the main themes of the development interventions.
Now the Project invites qualified applicants for the following position:

Post Title: Programme Manager
Duty Station: Main Campus, Mzumbe
Reports to: Local Pragramme Coordinator

Main Duties and Responsibilities
 Manage the MU-IUC programme office.
 Prepare project documents –PPs, APs and reports in consultation with
the Project Leaders.
 Facilitate transport and accommodation arrangements for international
visitors, scholars and other staff and draw up scripts for such visits in
consultation with PLs.
 Provide accurate financial overviews of project expenditures for every
steering committee or management meeting and relay on these matters
on regular basis with finance team both in the North and South.
 Manage purchase, distribution and monitoring of MU-IUC project
materials and equipment.
 Responsible for the financial and accounting of the programme fund
 Manage all communications between the VLIR-UOS-IUC and MU with
consultation with the project leaders.
 Manage all project staff and assets with consultation with the Local
Programme Coordinator
 Spearhead the VLIR-UOS-IUC database
 Carry out any additional duties as may be assigned from time to time by
the Local Programme coordinator.

Experience and Qualifications required
 Holder of a Master’s degree in Project Management, Economics or
Business Administration from a recognized University;
 Knowledge and competence in ICT applications related to Project Cycle
Management (PCM).
 Experience in dealing with multicultural or international organization together with competence in spoken and written English and Swahili languages are added advantage.

Tenure and remuneration:
One year renewable contract based on performance.

Remuneration:
Minimum Tshs. 2,000,000.00 per month.

Mode of the application
An application letter with Curriculum Vitae (CV) including e-mail addresses, telephone numbers, copies of certificates, names and contacts of three referees should reach the under mentioned by 18 April, 2013. Please, send the application documents. Those who will apply via e-mail please, write “VLIR-UOS Manager” in the subject.

Interview:
Short listing will take place on 19 April, 2013. The interview will take place at Mzumbe University (Main Campus) at VLIR-UOS program office, on Monday 22 April 2013, at 8:00am. Only the short listed candidates will be contacted for the interview by e-mail and telephone call.
Prof. Aurelia Kamuzora
Local Programme Coordinator,
VLIR-OUS Programme - Mzumbe University
Institute of Development Studies (IDS)
P. O. Box 83
Mzumbe, Tanzania
E-mail: akngirwa@yahoo.com/aureliakamuzora@hotmail.com/ ankamuzora@mzumbe.ac.tz

BUNGENI DODOMA NI AIBU TUPU, JUMA NKAMIA AMRUKIA SUGU.

Mh.Juma Nkamia,mbunge wa Kondoa Kusini.

Katika vikao vya bunge vinavyoendelea Mjini Dodoma,mambo mbali mbali yanajitokeza siku hadi siku.

TABIA ya waheshimiwa Wabunge kurushiana matusi wakati wa mijadala ya Bunge, imezidi kushika kasi, baada ya tabia hiyo kuendelea tena jana wakati wa mjadala wa hotuba ya Bajeti ya Ofisi ya Waziri Mkuu kwa mwaka wa fedha 2012/13.

Pamoja na tabia hiyo kuendelea tena jana, wiki iliyopita Mbunge wa Mbeya Mjini, Joseph Mbilinyi maarufu kwa jina la Sugu (CHADEMA), alisema Baraza la Mawaziri linaundwa na mawaziri wapumbavu.
Kwa siku ya jana, tabia hiyo ilianzia kwa Mbunge wa Mtera, Livingstone Lusinde (CCM), kisha ikasisitizwa na Mbunge wa Kondoa Kusini, Juma Nkamia (CCM).

Wakati Nkamia akichangia bajeti hiyo na kueleza jinsi asivyokubaliana na vitendo vya udini vinavyodaiwa kuwa katika Chuo Kikuu cha Dodoma (UDOM), Sugu aliingilia kati bila kuruhusiwa na kusema, je Lwakatare.

Baada ya Sugu kusema neno hilo, Nkamia alikatisha kuchangia na akasema:

“Sugu naomba unyamaze mimi ndiye nazungumza, mimi siongei na mbwa naongea na mwenye mbwa,” alisikika Nkamia.

MAOMBI YA LWAKATARE KUFUTIWA KESI YAZUA TAFRANI MAHAKAMANI, WAANDISHI WA HABARI WAFUNGIWA NJE.

Katika taarifa iliyokutwa katika mtandao wa kijamii wa CHADEMA ilikuwa hivi:-

"Uamuzi wa kusikiliza maombi hayo katika ofisi badala ya mahakama ya wazi ulizua manung’uniko na malalamiko kutoka kwa waandishi, wanachama wa Chadema na wafuasi wao, huku baadhi ya wafuasi wa Chadema wakiwaporomoshea matusi makali Polisi waliokuwa wakilinda usalama mahakamani hapo.

Hata hivyo, Machi 20, 2013, Mkurugenzi wa Mashtaka (DPP), aliwafutia mashtaka, lakini muda mfupi baadaye walikamatwa na kufunguliwa mashtaka hayohayo katika kesi namba 6 ya 2013.

Mawakili wanaomtetea Lwakatare hawakukubaliana na uamuzi huo, hivyo waliwasilisha maombi Mahakama Kuu Kanda ya Dar es Salaam, wakiupinga. Pia waliiomba mahakama hiyo itengue uamuzi huo.

Maombi hayo yalisikilizwa jana na Jaji Lawrence Kaduri, lakini waandishi wa habari walizuiwa kuingia ofisini kwa Jaji Kaduri ambamo kesi hiyo ilifanyika.

Wanahabari walikuwa miongoni mwa watu waliofika mapema mahakamani hapo na kuungana na umati mkubwa wa wanachama na wafuasi wa Chadema kusubiri ukumbi wa mahakama ufunguliwe.

Baadaye walitangaziwa kuwa maombi hayo yatasikilizwa ofisini kwa Jaji Kaduri, hivyo askari Magereza waliwazuia waandishi wa habari kwa maelezo kuwa ofisi hiyo ni ndogo na kwamba tayari ilikuwa imejaa, hivyo hapakuwa na nafasi ya kuingiza watu zaidi.

Miongoni mwa waliopata nafasi ya kuingia katika ofisi ya Jaji Kaduri ni Lwakatare na Ludovick, mawakili wao watatu, mawakili wa Serikali watatu, mke wa Lwakatare na Karani wa Jaji Kaduri.

Wengine ni Mwenyekitiwa Chadema, Freeman Mbowe, Katibu Mkuu, Dk Willibrod Slaa na baadhi ya askari Magereza.Waandishi wa habari walipinga kitendo hicho na baada ya mvutano uliodumu dakika kadhaa, askari hao walimruhusu mwandishi mmoja tu kuwakilisha wanzake.

Kwa kawaida kesi za jinai na hasa zenye mvuto kwa umma kama ilivyo ya Lwakatare husikilizwa katika mahakama ya wazi na hata mawakili walikuwa wamejiandaa kusikiliza maombi hayo katika mahakama ya wazi, kwani walikuwa wamebeba majoho ambayo kwa kawaida huvaliwa kwenye mahakama za wazi.

Uamuzi wa kusikiliza maombi hayo katika ofisi badala ya mahakama ya wazi ulizua manung’uniko na malalamiko kutoka kwa waandishi, wanachama wa Chadema na wafuasi wao, huku baadhi ya wafuasi wa Chadema wakiwaporomoshea matusi makali Polisi waliokuwa wakilinda usalama mahakamani hapo.
Maombi yasikilizwa
Wakili wa Serikali Mkuu, Prudence Rweyongeza akisaidiana na wenzake Peter Maugo na Ponsiano Lukosi alisema DPP alifuta mashtaka ya Lwakatare na mwenzake kwani kesi ya awali ilifunguliwa katika masjala isiyostahili.

Rweyongeza alidai kuwa kesi ya kwanza ilisajiliwa katika kitabu cha kesi zinazosikilizwa na Mahakama za chini, badala ya kitabu cha kesi zinazosikilizwa na Mahakama Kuu.
Aliitaja sababu nyingine kuwa, mahakama ilikosea kwa kuwaruhusu washtakiwa kujibu mashtaka ambayo husikilizwa na Mahakama Kuu pekee.

Katika hoja zao, wadai wakiongozwa na Wakili Peter Kibatala, walisema DPP alikosea kuchukua uamuzi huo kwa kuwa madaraka yake yana mpaka na kwamba hapakuwa na sababu wala mazingira yanayoelezwa katika sheria ya DPP kuchukua uamuzi huo.

Pia Wakili Kibatala akisaidiana na Wakili Tundu Lisu walihoji uhalali wa mashtaka hayo ya ugaidi wakidai kuwa hakuna maelezo yanayoonyesha kuwa mashtaka yanayomkabili Lwakatare na mwenzake ni ya ugaidi. Hivyo waliiomba Mahakama Kuu iyatupilie mbali mashtaka hayo.

Hata hivyo, Rweyongeza alidai ni mapema kutoa hoja za uhalali wa mashtaka kwa kuwa kesi hiyo bado iko katika hatua ya uchunguzi na kwamba baada ya uchunguzi inaweza kuwa na mabadiliko yoyote.

Hatima ya maombi hayo imebaki mikononi mwa Jaji Kaduri ambaye baada ya kusikiliza hoja za pande zote aliahirisha shauri hilo hadi atakapotoa uamuzi wake kwa tarehe ambayo atawajulisha wahusika wa kesi hiyo."

VITA YA CHADEMA NA CCM IMECHUKUA SURA MPYA,CHADEMA WATOA TAMKO

TAMKO LA CHADEMA KUHUSU NJAMA ZA KUKICHAFUA ZINAZOFANYWA NA GENGE LA VIONGOZI WAKUU WA CCM NA VYOMBO VYA DOLA, LIMETOLEWA JIJINI DAR ES SALAAM LEO, APRILI 14, 2013 NA MJUMBE WA KAMATI KUU NA MWANASHERIA WA CHAMA, MH. MABERE NYAUCHO MARANDO

Ndugu waandishi wa habari;
LEO tumewaita hapa ili kuwaomba mtufikishie ujumbe kwa Watanzania, kwamba nikiwa mwanasheria na mtu ambaye nimepata ujuzi wa kazi za ushushu, nimefanya uchunguzi matukio haya ya utekaji na utesaji na kugundua mambo mengi mno.

Uchunguzi huu nimeufanya kabla na baada ya kukamatwa kwa Mkurugenzi wetu wa Ulinzi na Usalama, Willifred Muganyizi Lwakatare, ambaye hivi sasa anashitakiwa mahakamani kwa tuhuma za kupanga ugaidi.

Nimefanya hivyo kwa kuangalia maslahi mapana ya taifa langu na chama changu. Katika uchunguzi wangu huo, nimegundua mambo mengi ikiwamo kuwapo kwa genge la watu ndani ya serikali na Chama Cha Mapinduzi (CCM), wanaopanga mipango hii ya kishetani na kisha kuwasingizia watu wengine.

Angalieni mfano huu: Unaoitwa na polisi na Mwigulu Nchemba, “mkanda wa Lwakatare” unadaiwa uliwasilishwa jeshi la polisi Desemba mwaka jana. Lakini jeshi hilo halikumkamata yoyote wala kumhoji, hadi pale Mwenyekiti wa Jukwaa la Wahariri, Absalom Kibanda, alipovamiwa na kuumizwa. 

Aidha, Nchemba amedai kumiliki video ile Desemba mwaka jana, lakini rekodi hiyo iliwekwa kwenye mitandao ya kijamii (YouTube na Jamii Forum) baada ya kutekwa kwa Kibanda. Hapa mtu makini anaweza kujiuliza, hiki kimelenga nini? 

Kwamba genge hili la kina Nchemba na wenzake, walipanga kumteka Kibanda, wakatimiza lengo lao hilo, baadaye wakaingia kwenye plani B ya kutaka kuihusisha Chadema. Wakamtumia Ludovick Joseph Rwezahula ambaye ni mshitakiwa wa pili katika kesi ya Lwakatare, kufanikisha mkakati wao huu wa kishetani. 

Ndugu waandishi wa habari;
Huu ni mchezo mchafu na wahatari mno ambao kwa vyovyote vile, haupaswi kuvumiliwa. Kuanzia sasa nimeamua kwa dhati kabisa, kukomesha mchezo huu ambao unahatarisha uhai wa taifa letu.

Kwa kuanzia, kesho Jumatatu, nitaongoza jopo la mawakili sita wa Chadema kumtetea Bw. Lwakatare. Wenzangu wengine katika kesi hii, ni Profesa Abdallah Safari, Tundu Lissu, Edson Mbogoro, Peter Kibatara na Nyaronyo Kicheere. Huko mbele tutaongeza mawakili wengine, akiwamo mmoja anayewekwa na familia ya Lwakatare. 

Ndugu waandishi wa habari;
Mnaweza kujiuliza, kwa nini Chadema kimechukua uamuzi huu wa kuweka kundi kubwa la wanasheria katika kesi hii ya Lwakatare? Jibu ni kwamba tumegundua kuwa kesi hii imefunguliwa kwa lengo maalum la kuidhoofisha Chadema na kuinusuru CCM ambayo inakabiliwa na dhahama ya kushindwa katika uchaguzi mkuu ujao kutokana na kushamiri kwa makundi. 

Hivyo wameamfungulia kesi Lwakatare, kwa lengo la kutaka kuaminisha umma kuwa Chadema ni chama cha magaidi, kinapanga ugaidi na hivyo kichukiwe. Hilo ndilo lengo lao. Basi!

Ndugu waandishi wa habari; 
Pili, nitakwenda mahakamani kuwasilisha ombi maalum la kuomba amri ya mahakama kuagiza makampuni ya simu za mkononi kuwasilisha mahakamani statement za simu za watu kumi (10) ili kusaidia mahakama kutenda haki na jamii kujua ukweli wa mambo haya. 

Watu ambao nitaomba mahakama itoe amri ya kuletwa taarifa zao simu 
na meseji (sms) ni Naibu Mkurugenzi wa Usalama wa Taifa nchini (TISS), Jack Zoka, anayetumia simu Na. 255756809535, Naibu Katibu Mkuu wa Chama Cha Mapinduzi (CCM), Mwigulu Lameck Nchemba, anayetumia simu tano zikiwamo 0754 008888, 0757 946223, 0714 008888 na 0787 513446 na Ludovick Joseph Rwezahula, ambaye simu zake ni,0715 927100 na 0753 927 100.

Mwingine ambaye mawasiliano yake yanahitajika, ni Waziri wa Mambo ya Ndani ya Nchi, Emmanuel Nchimbi, anayetumia simu Na. 0754 003388, Mhariri Mtendaji wa magazeti ya Mwananchi, Dennis Msaky anayetumia simu mbili, 0655 331010 na 0764 331010 na Bw. Sinbad Mwagha, ambaye ni afisa wa idara ya usalama wa taifa, anayetumia simu 0754 006355. 

Wengine, ni Bw. Shaali Ali, afisa mwinge wa usalama wa taifa anayetumia simu Na. 0716990099, Saumu K. Malungu, mwenye kutumia simu 0719 541 434 na 0789 614 629, simu mbili zinazotumiwa na mtuhumiwa mkuu wa utekaji wa Dk. Steven Ulimboka, Bw. Ramadhani Abeid Igondo ikiwamo 0713 760 473, simu za Bw. Ridhiwani Kikwete ambazo ni 0754 566299, 0784 566 299, simu ya Dr. Steven Ulimboka, ambayo ni 0713 0713 731 610, pamoja na simu zote tatu za Willifred Lwakatare, ambazo ni 0786 774697, 0713 237869 na 0758 417169.
Ndugu waandishi wa habari; 
Mtu mwingine muhimu nitakayeomba mahakama itoe amri ya kutolewa kwa taarifa zake, ni mwandishi wa habari na mpigapicha wa magazeti ya serikali, Muhidini Issa Michuzi. Mwandani huyu wa Ikulu, ndiye aliyeandika ujumbe kwa njia ya emeili kuipongeza ofisi binafsi ya rais (OBR) na usalama wa taifa kwa kupata video ya Lwakatare. 

Pongezi za Michuzi kwa TISS ndizo zinanisukuma kuiomba mahakama kuagiza kupatikana taarifa zake. Michuzi anaipongeza TISS kwa kuibua njama za wahalifu, lakini mimi ninajua TISS ikipata njama za aina hiyo haraka inapeleka ushahidi polisi, lakini huu wa Lwakatare ulipelekwa Youtube, badala ya kwenye vyombo vya sheria.

Maneno ya Michuzi kwamba ni TISS imeibua hiyo video yanathibitisha ushiriki wa TISS kwenye mchezo huo mchafu, na kwamba Chadema kinajua kuwa Michuzi alishirikiana na watu wa usalama wa taifa katika kazi hiyo chafu. Software za video (editing) walizotumia zilitoka kwake. Fedha ya kuandaa hiyo video zilitoka usalama na Ikulu. Tunajua kuwa wale vijana wa Ada Estate na yule jamaa anayempelekea kigogo wa Jamii Forum, walilalamika sana kwa mmoja wa wamiliki wa JF. 

Ndugu waandishi wa habari;
Chadema kinajua kuwa mmoja wa watuhumiwa hawa, Mwigulu Nchemba anafanya mipango na baadhi ya wafanyakazi wa kampuni ya Vodacom ili kumsaidia kufuta taarifa zake. Nachukua nafasi hii, kuionya kampuni hiyo kuacha kucheza mchezo huo kwa kuwa ni kinyume cha sheria za mamlaka ya mawasiliano (TCRA).

Tunahitaji mawasiliano haya kwa kuwa Mwigulu – zinaonyesha mtuhumiwa huyo akifanya mawasiliano mfululizo na Ludovick, yakiwamo yale ya tarehe 4 Machi 2013. Hii ilikuwa siku moja kabla ya Kibanda kutekwa.

Ndugu waandishi wa habari;
Hawa niliowataja ni watu muhimu sana katika upangaji wa mkakati wa utengenezaji wa video ya Lwakatare na vitendo vya kihalifu vya utekwaji wa Kibanda na tukio la kutekwa na kisha kutupwa msutuni kwa mwenyekiti wa Jumuiya ya madaktari nchini, Dr. Steven Ulimboka.

Kwa mfano, simu ya Mwigullu Nchemba, namba 0714 008888, 0756 008888 na 0757 946223, zimefanya mawasiliano mara kadhaa na Ludovick Joseph, Saumu K. Malungu, Jack Zoka, Ali Shaali na Ramadhani Ighondo. Mawasiliano hayo yalifanyika katika kipindi ambacho mgomo wa madaktari ulishamiri; baadaye yakarudi tena kati ya 26 Desemba mwaka jana na 15 Machi mwaka huu.

Miongoni mwa mawasiliano ambayo tunaona yanahusika na ujambazi huu, ni yale ya 28 Desemba, siku ambayo mkanda wa Lwakatare umerekodiwa; tarehe 4 hadi 6 Machi 2013, siku moja kabla ya Kibanda kutekwa na yale ya usiku wa manane (saa 8:17) wa 13 Machi 2013, ambako mchana uliofuata Lwakatare alikamatwa. 
Huyu Mwagha ndiye aliyekuwa anatumika kuwasiliana na Saumu Malungu, ambaye tulimtaja kuwa ndiye aliyekuwa amepewa kazi na Mwigulu na usalama wa taifa, kurubuni vijana wetu kwa fedha ili kutoa ushahidi wa uongo juu ya video ya Lwakatare.

Vilevile, mawasiliano ya Mwiguluna Mwagha, katika kipindi hicho nayo tunayahitaji. Kwa sababu, huyu Mwagha anayetumia simu 0754006355, mbali na kuwasiliana na Mwigulu, ndiye aliyekuwa anawasiliana na mmoja wa waliomteka Ulimboka; na ndiye aliyewasiliana na Saumu kati ya 20Januari na Machi 6 mwaka huu.

Ndugu waandishi wa habari;
Ludovick alifanya mawasiliano ya mwisho na Joyece Agustine, ambaye anatumia simu Na. 0717 559210, mawasiliano ambayo yalifanyika saa 5:13 usiku. Hiyo ndiyo ilikuwa simu yake ya mwisho usiku huo; katika siku hiyo Ludovick aliwasilisna na Joyce mara tisa kuanzia saa 12: 54 asubuhi.

Kwa mujibu wa taarifa za kwenye mtandao wa Jamii Forum, ambako video ya Lwakatare ilitumwa, Ludovick alikamatwa Machi 15 mwaka huu. Hata hivyo, rekodi katika simu yake Na. 0715 927100 inaoyesha 17 Machi Ludovick alifanya mawasiliano na Joyce Augustino. Mawasiliano hayo yalifanyika saa 8: 9 usiku, wakati inadaiwa na polisi alishakamatwa.

Naye mhariri wa Mwananchi, Bw. Msaky ambaye anatajwa kutaka kutekwa na Ludovick na Lwakatare, amekuwa na mawasiliano kadhaa na Ludovick – mtu anayepanga kumteka. Ludovick na Msaky walifanya mawasiliano mfululizo kati 27 Desema 2012, siku moja kabla ya video ya Lwakatare haijarekodiwa na 7 Machi siku moja baada ya Kibanda kutekwa. 

Msacky alitumia simu zake hizo mbili (0764 331010 na 0655 331010) kuwasiliana na Ludovick, huku Ludovick akitumia 0753927100. Mawasiliano ya 31 Desemba yalifanyika Ludovick akiwa Tegeta, jijini Dar es Salaam. Mawakala hawa wawili wa usalama wa taifa (Ludovick na Msaky), walikutana 31 Desemba 2012, katika hoteli ya Tamal, Mwenge jijini Dar es Salaam.

Ndugu waandishi wa habari;
Baada ya kupitia taarifa hizi za mawasiliano ya simu za Mwigulu Nchemba, Ludovick Joseph, Ramadhani Ighondo na Saumu Malungu tumegundua yafuatayo: Kwamba, Ramadhani Ighondo, amefanya mawasiliano mara nyingi na Mwigulu, Mwagha na Zoka; naye Mwagha amefanya mawasiliano na Mwigulu na Saumu; naye Saumu amefanya mawasiliano na Mwagha, Mwiguluna Shaali Ali, ambaye ni afisa usalama wa taifa.

Tumegundua vilevile, kuwapo mawasiliano kadhaa kati ya Ludovick na Msaky; Ludovick na Mwigulu; Msaky na Nchimbi; Msaki na Mwagha, Samu na Mwagha na Ramadhani Ighondo Abeid, anayetuhumiwa kumteka Dk. Ulimboka na Mwanga na Mwigullu.

Tumegundua pia kuwapo mawasiliano kati ya Ulimboka na Ramadhani; Zoka na Ighondo na Ridhiwani na Ighondo. Mawasiliano haya yalifanywa mfululizo usiku wa Juni 2012 siku ambayo Dk. Ulimboka alitekwa.

Tumepata kufahamu pia kwamba baadhi ya watu waliotajwa na gazeti la MwanaHALISI kuwa waliwasiliana na Ighondo usiku wa Juni 26, mwaka 2012, wamefanya mawasiliano pia na Mwigulu, Mwagha na Shaali Ali.

Ndugu waandishi wa habari;
Mwagha ni afisa usalama wa taifa anayefanyakazi makao makuu ya idara hiyo. Ndiye yule anayetumika kuendesha michezo ya kuhonga wanasiasa wa CCM na upinzani. Ni Mwagha anayepanga wabunge na kuwapanga waongee nini kwa maslahi ya CCM. Ushenzi wote anaoongea Mwighulu bungeni, hupewa na Mwagha kwa maelekezo ya Jack Zoka.

Naye Shaali ndiye aliyekutana na afisa wetu wa usalama, Ahmed Sabula na mwenzake, Machi 29 mwaka huu katika hoteli ya See Cliff jijini Dar es Salaam. Katika mkutano huo kati ya Sabula, kijana wetu wa usalama na afisa usalama wa serikali Bw. Shaali alitaka Sabula akubali kutumika kwa kutoa taarifa za vikao vya chama, kuwasilisha kwake nyaraka za kamati kuu na kueleza mipango ya chama katika kesi ya Lwakatare. 

Kwenye mpango huu, afisa huyo wa usalama wa taifa ambaye ninamfahamu vizuri, alimuahidi Sabula kiasi cha Sh. milioni 30 na kwamba fedha hizo angelipwa wiki iliyopita. Aliahidiwa pia kwamba kila nyaraka atakayopeleka atalipwa ujira. 

Aidha, Sabula aliahidiwa kulipwa shilingi 500,000 (laki tano) kila mwezi; afisa wetu huyu ameripoti tukio hilo kwa viongozi wake wa chama. Yule mwenzake aliandaliwa kuwa shahidi wa kesi ya Lwakatare; aliambiwa akikubali dili hiyo atalipwa kila mwezi Sh. 500, lakini akaombwa kuwa mvumilivu kwa kuwa atalazimika kupotea kwa miezi kama mitano hadi sita.

Ndugu waandishi wa habari;
Kitendo cha Mwigulu kuwasiliana Ramadhani Ighondo, Mwigulu kuwasiliana na Ludovick, Saumu kuwasiliana na Mwigulu, Ighondo kuwasiliana na Ulimboka, Zoka kuwasiliana na Ighondo, tena katika muda uleule ambao Ighondo amewasiliana na Ulimboka na Saumu kuwasiliana na Mwagha, ni uthibitisho tosha kwamba usalama wa taifa wako nyuma ya mipango hii ya michafu ya kupanga utekaji na kisha kutaka kukichafua Chadema.

Aidha, kitendo cha Ludovick kuwasiliana Msaky; Ighondo kuwasiliana na Mwagha, Ridhiwani Kikwete kuwasiliana na Ighondo, tena kila baada ya Ighondo kuwasiliana na Ulimboka na Jack Zoka, ni uthibitisho mwingine kuwa genge hili la wahalifu linashirkiana na baadhi ya watu kutaka kuangamiza taifa.

Ni uthibitisho tosha kwamba hawa ndiyo wanaowahonga wanachama wa Chadema na watu wengine ili watoe ushahidi feki dhidi ya Lwakatare, na kwamba ni usalama wa taifa walioandaa ile video uchwara inayopigiwa chapuo na Mwigulu.

Ndugu waandishi wa habari;
Chama Cha Mapinduzi kinajua kwa hali ya sasa hakiwezi kushinda uchaguzi wa mwaka 2015 huku Chadema ikiwa katika hali nzuri ya kisiasa tunayoiona sasa. Wanajua kabisa CCM imegawanyika, kundi lolote litakalopita ndani ya CCM, litahujumu kundi jingine. Ni kama ilivyotokea uchaguzi mdogo wa Arumeru Mashariki.

Ndiyo maana wanapanga kila mbinu kutaka kuiangamiza Chadema. Nasi tunasema katu hatutakubali kuona Chadema kinakufa. Tutapambana usiku na mchana. Juna na mvua. Hadi tushinde hila hizi.Tunawaambia wanachama wetu na wale wanaotuunga mkono, Chadema ni chama kikubwa. Kina mtandao kila mahali, kuanzia Ikulu hadi polisi; na hivyo hakitakufa au kuzorota kwa mambo ya kupikwa.

Ni imani yangu kwamba amri ya mahakama itawafichua wote hawa ni kuirudisha Tanzania katika amani yake. Ni lazima tufikike mahala watu hawa wafahamike mbele ya umma, tunataka wafahamu kuwa maisha ya mwanadamu yana thamani kuliko siasa chafu na ufisadi wanaouendeleza. 

Nawashukuru kwa kunisikiliza.

Mabere Marando,
Dar es Salaam

YANGA YAIVUA RASMI SIMBA UBINGWA WA LIGI KUU YA VODACOM NA KUICHAPA OLJORO 3

 Katika mchezo wa ligi kuu ya vodacom kati ya Yanga na JKT Oljoro uliomalizika muda si mrefu Yanga imeshinda kwa jumla ya magoli 3 na oljoro hawakupata kitu.
Goli la kwanza la lilifungwa dakika ya 5 na nahodha Nurdin Kanavaro,goli la pili limefungwa na Simon Msuva dakika ya 19 na la tatu limefungwa na Hamis Kiiza dakika ya 34.

MATATIZO YA KIUFUNDI YASABABISHA KUTOONESHWA "LIVE" MECHI ZA LIGI KUU TANZANIA BARA LEO

 

Afisa Habari wa TFF Boniface Wambura

Kutokana na habari aliyoitoa Afisa Habari wa TFF, ni kwamba  mechi zilizokuwa zioneshwe hii leo na kesho hazitaoneshwa kutokana na matatizo ya kiufundi.Taarifa kamili hii hapa:-

"Mechi tano kati ya sita za Super Week za Ligi Kuu ya Vodacom zilizokuwa zioneshwe moja kwa moja (live) na Kituo cha televisheni cha SuperSport cha Afrika Kusini sasa hazitaoneshwa kutokana na matatizo ya kiufundi.

Kwa mujibu wa Mtayarishaji Mtendaji (Executive Producer) wa SuperSport Kanda ya Afrika, Max Tshunungwa ambaye yuko nchini, wameshindwa kuonesha mechi hizo kutokana na matatizo ya kiufundi katika magari yao ya kurushia matangazo (OB van) yanayohudumia Afrika Mashariki- Kenya, Tanzania na Uganda.

Mechi hizo ni kati ya Azam na African Lyon, Yanga na Oljoro JKT, Azam na Simba, Coastal Union na JKT Ruvu na Mgambo Shooting na Yanga itakayochezwa Aprili 17 mwaka huu jijini Tanga.

Tatizo hilo pia limeathiri mechi za Ligi Kuu ya Kenya (KPL) ambazo hazitaonekana wikiendi hii. SuperSport ndiyo yenye haki za matangazo ya televisheni kwa ligi hiyo ya Kenya.

Tshunungwa amekutana na Sekretarieti ya TFF na Kamati ya Ligi kuelezea tatizo hilo. SuperSport kwa kushirikiana na Kamati ya Ligi na TFF watapanga mechi nyingine za Super Week kabla ya ligi kumalizika msimu huu.

Pia TFF, Kamati ya Ligi na SuperSport watakuwa na mkutano mfupi wa waandishi wa habari wakati wa mapumziko kwenye mechi ya leo kati ya Yanga na Oljoro JKT kwenye Uwanja wa Taifa.

Boniface Wambura

Ofisa Habari

Shirikisho la Mpira wa Miguu Tanzania (TFF)"

MWANAFUNZI CHUO KIKUU CHA RUAHA (RUCO) AJINYONGA

Kamanda wa Polisi Mkoa wa Njombe, Fulgence Ngonyani

WATU wawili wamefariki dunia katika matukio tofauti mkoani Njombe, akiwemo mwanafunzi wa Chuo Kikuu cha Ruaha (RUCO), mkoani Iringa kufariki dunia, baada ya kujinyonga kwa kutumia waya wa simu.

Kamanda wa Polisi Mkoa wa Njombe, Fulgence Ngonyani alisema tukio hilo limetokea juzi katika mtaa Iwawa, Makete mjini.

Alimtaja mwanafunzi huyo, kuwa ni Albarth Osward (27), mkazi wa kata ya Iwawa na kwamba mwili wake ulikutwa ukining'inia juu ya mti kando ya mto uliopo mtaa wa Ikuru.

Alisema chanzo cha mwanafunzi huyo kuamua kujiua hakijajulikana kwa madai kuwa hakuacha waraka wowote, na kwamba jeshi hilo linaendelea na uchunguzi.

Katika tukio jingine, mkazi wa Kijiji cha Banawanu Wilaya ya Wanging'ombe, Lutan Mbeni (40) ameuawa kwa kukatwa shoka sehemu mbalimbali za mwili wake, baada ya kuvamiwa na kundi la watu wanaosadikiwa kuwa majambazi.

Kamanda Ngonyani, alisema tukio hilo, limetokea juzi usiku baada ya watu hao kubisha hodi nyumbani kwa marehemu wakijifanya wanaomba msaada.

Alisema baada ya hodi hiyo, mke wa marehemu alifungua mlango akidhani ni watu wema ndipo walipomtaka awaonyeshe alipo mume wake.

Watu hao, walifanikiwa kupora fedha Sh 800,000, kisha kumuua kwa kumkata shoka na kutokomea kusikojulikana.

Alisema jeshi la polisi, linaendesha msako mkali ili kuwakamata watu hao wafikishwe mahakamani.

Habari hii ni kwa mujibu wa Mtanzania